Азиз Асимов Иордания чемпионатидаги муҳим ўйинни бошқаради

Иордания футбол ассоциацияси таклифига кўра, ФИФА ҳакамларимиз — Азиз Асимов (бош ҳакам), Алишер Усмонов (биринчи ёрдамчи ҳакам), Санжар Шоюсупов (иккинчи ёрдамчи ҳакам) ва Рустам Лутфуллин (тўртинчи ҳакам) Иордания Профессионал лигасининг 21-туридан ўрин олган "Ал-Виҳдат" - "Ал-Файсали" учрашувини бошқаради.

Ушбу жамоалар ҳозирда турнир жадвалини бошқариб бормоқда. Табиийки, ўйин кескин курашларга бой бўлади. Эслатиб ўтамиз, мазкур беллашув 28 октябрь куни 21:30 (Тошкент вақти билан) да бошланади.

Иордания профессионал лигаси, 21-тур

"Ал-Виҳдат" - "Ал-Файсали"

Азиз Асимов 

Алишер Усмонов

Санжар Шоюсупов

Рустам Лутфуллин.

ЎзФҲМ матбуот хизмати