Баҳодир Жалоловнинг собиқ рақиби Александр Усикка қарши жанг ўтказади

Професcионал бокснинг оғир вазн тоифасида фаолиятини олиб бораётган британиялик Рио Олимпиадаси кумуш медаль совриндори Жо Жойс (12-0, 11 КО)  ўзининг навбатдаги жангини WBО йўналишида мажбурий даъвогар украиналик Александр Усикка (18-0, 13 КО) қарши ўтказиши мумкин. Жанг WBО вақтинчалик жаҳон чемпионлик камари учун бўлиши кутилмоқда. Агар, ушбу жанг бўйича келишувга эришилса, Тайсон Фьюри ва Энтони Жошуа мутлоқ чемпионлик учун жанг ўтказиши бўйича ҳеч қандай тўсиқ қолмайди.

"Албатта биз бу жанг бўйича иш олиб бормоқдамиз. Усик биз жанг қилишни ҳоҳлаган кейинги рақиб ва ишончим комилки, бу қарама-қаршилик албатта, бўлади", - деди Жойснинг ёрдамчи менежери Сам Жонс.

Жо Жойс Рио Олимпиадаси чорак финалида Баҳодир Жалоловни мағлубиятга учратган эди.