Баҳрайн-2025. 5 нафар ҳаюртимиз ярим финалга йўл олди

Хабарингиз бор, айни кунларда Баҳрайн давлатининг Манама шаҳрида ўсмирлар ўртасидаги III ёшлар Осиё ўйинлари комплекс мусобақалари бўлиб ўтмоқда.

Куни кеча бокс бўйича чорак финал босқичи бошланди. Унда рингга кўтарилган 6 нафар ҳамюртимизнинг 5 таси ғалаба қозониб, ярим финалга йўл олди.

-50 кг: Назокат Мардонова — Марал Толепберген (Қозоғистон) 5:0;
-54 кг: Қумринисо Муҳаммадова — Ву Чиеҳ-Жу (Хитой Тайпейи) 5:0;
-60 кг: Рушанабону Исоева — Индира Кидирмолдаева (Қозоғистон) техник нокаут;
-66 кг: Улбосин Жалгасбаева — Наннапҳат Мунгпингкланг (Таиланд) 5:0;
+80 кг: Мавжуда Абдусаидова — Аншика (Ҳиндистон) 2:3;
-46 кг: Абдуғани Ёрқинжонов — Абдураҳим Овезгулиев (Туркманистон) 5:0.

Бугун яна бир нечта йигитларимиз чорак финал жангларида иштирок этади. Бу ҳақда Ўзбекистон бокс федерацияси хабар бермоқда.