Баркола учун курашга "Арсенал" ҳам қўшилди

Лондоннинг "Арсенал" клуби "Ливерпуль" билан Бредли Баркола борасида пойгага киришга тайёр, дея хабар бермоқда "Football Insider".

"Тўпчилар" дастлаб "Реал"дан Винисиус Жуниор учун сарфлашни режалаштирган маблағларидан 23 ёшли футболчини сотиб олиш учун фойдаланишлари мумкин. Ҳужумнинг чап қанотини кучайтириш Микел Артета жамоасининг асосий мақсадларидан биридир.

ПСЖнинг молиявий талаблари асосий тўсиқ бўлиб қолмоқда. Парижликлар Барколани 145 миллион фунт стерлингга баҳоламоқда, "Арсенал" эса 100 миллион фунт стерлингдан ортиқ пул тўлашга тайёр эмас. Юқори нарх "Ливерпул"нинг музокараларини ҳам мураккаблаштирмоқда.

Францияликнинг ўзи фаолиятини Англия Премьер-лигасида давом эттиришга тайёр. Футболчи учун кураш 1 сентябр куни ёпиладиган трансферлар ойнасининг сўнгги кунларига қадар давом этиши кутилмоқда.