“Барса” Англиядан ўз ўйинчисини қайтармоқчи

“Барселона” бош мураббийи Хави Эрнандес ўнг қанот ҳимоясига янги ўйинчи қидиряпти. Испаниялик мутахассис трансфери қийинлашиб бораётган “Вильярреал” вакили Хуан Фойт ва “Боруссия” футболчиси Тома Мёнье ўрнига каталонияликлар академиясида тарбияланган Эктор Бельеринни олишга қарор қилди.

27 ёшли ҳимоячи айни пайтда “Арсенал” ўйинчиси ҳисобланади. Лекин “канонирлар” бош мураббийи Микель Артета ўз ҳамюртини асосий таркибга киритмаяпти.

Бельерин ўтган мавсумни ҳам “Бетис” сафида якунлади. Ҳимоячининг ўзи мунтазам ўйин амалиётига эга бўлиш учун Лондондан кетишга қарор қилган.

Бельерин 2011 йили “Барселона”ни тарк этиб, “Арсенал”га ўтиб кетган эди.