"Барса" "Атлетико"дан таклиф кутмоқда

Мадриднинг “Атлетико” клуби шартномаси тугашига атиги 6 ой қолган ҳужумчи Мемфис Депайнинг трансфери бўйича ҳалигача “Барселона”га таклиф юборгани йўқ.

Mundo Deportivo нашри хабарига кўра, "Барселона" "Атлетико"нинг Депайга қизиқишидан хабардор, аммо Мадрид клуби ҳали ўз таклифининг молиявий томони бўйича якуний қарорга келгани йўқ.

Аввалроқ Депайга Англия премьер-лигасининг бир қатор клубларидан қизқишлар бўлаётгани ҳақида хабарлар тарқалган эди. Улар орасида нидерландиялик футболчининг собиқ жамоаси “Манчестер Юнайтед” ҳам бор. Бироқ, “қизил иблислар” энди мавсум якунига қадар “Олд Траффорд”га ижара асосида қўшилиши керак бўлган бошқа нидерландиялик Ваут Вегхорстга кўпроқ мойиллик билдирмоқда.