“Барса” бизни алдади. Уларни судга берамиз!

Аргентинанинг “Бока Хуниорс” жамоаси президенти Хорхе Амор Амеаль “Барселона” 18 ёшли уругвайлик ҳимоячи Сантьяго Рамос Мингонинг трансферини амалга оширганда қоидабузарликка йўл қўйгани учун Каталония клубини судга бераётганини маълум қилди.

- Биз “Барса”ни Рамос Мингонинг иши бўйича судга тортамиз. Бўлган воқеалар жуда ёмон таассурот қолдирди. Ғалати ишлар бўлгани аниқ. Буёғини суд орқали ҳал қиламиз. Биз кимдир томонидан қоида бузилишига қараб туролмаймиз, - деди “Бока Хуниорс” раҳбари.

Минго “Барселона”га 2020 йилнинг февраль ойида олиб келинган эди. Клуб истеъдодли ҳимоячи билан икки йиллик шартнома тузган.