"Барса"дан бизга ўтсанг, тўлиқ ўйнайсан!

«Барселона» жамоасининг ёш қанот ҳимоячиси Алехандро Бальде қишки трансфер ойнасида «Манчестер Юнайтед» сафига ўтиши мумкинлиги ҳақида хабарлар кучаймоқда. Илгари футболчи каталонияликлар таркибини тарк этиш вариантларини жиддий кўриб чиқмаган эди.

Журналист Экрем Конур маълумотига кўра, ёзги трансфер давридан буён «Манчестер Юнайтед»нинг испаниялик ҳимоячини қўлга киритиш эҳтимоли сезиларли даражада ошган. Бунга асосий сабаб сифатида Бальденинг жорий мавсумда деярли майдонга тушмаётгани кўрсатилмоқда.

Ҳозирги мавсумда 22 ёшли Бальде Испания чемпионатида фақат битта ўйинда иштирок этди ва гол ёки голли узатма билан ажралиб турмади.

Бальденинг «Барселона» билан амалдаги шартномаси 2028 йилгача мўлжалланган. Transfermarkt портали баҳосига кўра, ҳимоячининг бозор қиймати 50 миллион евро атрофида баҳоланмоқда.