“Барса” футболчиси супертаклифни рад этди

“Барселона” ҳимоячиси Эрик Гарсияда фаолиятини Франция чемпионатида Европа Чемпионлар лигасининг амалдаги ғолиби “Пари Сен-Жермен”да давом эттириш имкониятига эга бўлганди.

Бироқ 24 ёшли футболчи парижликларнинг таклифини рад этди ва фаолиятини Каталонияда давом эттириш қарори қатъий эканини маълум қилди.

Инсайдер Экрем Конурнинг маълум қилишича, испаниялик футболчи нафақат ПСЖ, балки Италия А Сериясининг бир неча клубларининг ҳам чорловини қабул қилмади.

Манбага кўра, тез орада Эрик Гарсия клуб билан ҳамкорлик шартномасини янгилаши кутиляпти. Чунки амалдаги келишув 30 июнь куни якунланади. Янги битим эса 2029 йилнинг ярмигача мўлжалланган бўлади.