“Барса”: Гризманн ўрнига Фелиш!

“Барселона” ва “Атлетико” ёзги трансферлар вақтида ўзаро футболчи алмашишини режалаштирмоқда.

Каталонияликлар Мадридга франциялик ҳужумчи Антуан Гризманни жўнатиб, ўрнига “Атлетико”нинг португалиялик футболчиси Жоау Фелишни олиб келишни мўлжалламоқда. Режага кўра, рокировка қўшимча тўловларсиз амалга оширилиши керак.

Диего Симеоне ҳам бир неча йиллар давомида жамоанинг асосий тўпурари бўлган Гризманни яна қайтариб олишдан мамнун бўлади.

Гризманн 2014-2019 йилларда “Атлетико” шарафини ҳимоя қилиб, 120 миллион евро эвазига “Барселона”га кўчиб ўтганди.

Мадридликлар Гризманн кетган йили 127 миллион еврога “Бенфика”дан Фелишни олиб келган.