“Barsa” hujumchisi faoliyatini Italiya chempionatida davom ettiradi

Gollandiyalik hujumchi Memfis Depayning Kataloniyaning “Barselona” klubidan “Yuventus”ga o‘tishi borasidagi mish-mishlar ko‘paymoqda.

“Sport.es” nashrining xabar berishicha, Italiya klubi vakillari futbolchining transferi bo‘yicha “ko‘k-anorranglilar” bilan muzokaraga kirishgan. Depayning o‘zi faoliyatini A seriyada davom ettirish variantiga qarshi emas.

O‘z navbatida, "Barselona" Memfisni keyinchalik sotib olish sharti bilan ijaraga berishga tayyor.

O‘tgan mavsumda gollandiyalik hujumchi Ispaniya chempionati doirasidagi 37 ta o‘yinida maydonga tushib, o‘z hisobiga 13 ta gol yozdirib qo‘ygan.