“Барса” ҳужумчиси катта бонус сабаб клуб билан шартномасини бекор қилмоқчи

"Ювентус" "Барселона" ҳужумчиси Мемфис Депайни ўз сафига қўшиб олмоқчи ва голландиялик футболчи орқали ҳужум чизиғини кучайтиришни мақсад қилган.

"Ювентус" форвардни сотиб олиш шарти билан ижарага олмоқчи. Мемфис эса аввал "Барса" билан шартномани бекор қилишни ва шундан кейин "Ювентус"га ўтишни мақсад қилган. Боиси, шундай йўл тутса, голландиялик Турин клубидан катта миқдордаги пул мукофоти олади.

Депай 2021/22 йилги мавсум "Барселона"нинг барча мусобақалар доирасидаги 37 та ўйинда майдонга тушиб, ўз ҳисобига 13 та гол ва 2 та голли узатмани ёздириб қўйган.