“Барса” испан футболини уялтириб қўйди

Испаниянинг амалдаги чемпиони “Барселона” Европа Чемпионлар лигасидаги иштироки бўйича испан клублари орасида антирекорд қайд этди.

Каталонияликлар қитъанинг энг нуфузли мусобақасида кетма-кет 15 та ўйинда ўз дарвозасини «қуруқ» сақлай олмаган илк испан клубига айланди.

Бу ҳақда Opta статистика маркази хабар берди.

“Барселона” 2025 йилнинг апрелидан бери Чемпионлар лигасининг ҳар бир ўйинида камида битта гол ўтказиб юборяпти. Улар сўнгги бор “қуруқ” ўйинни Дортмунднинг “Боруссия” клубига қарши 4:0 ҳисобида ғалаба қозонган учрашувда қайд этган.

Эслатиб ўтамиз, яқинда “Барселона” Чемпионлар лигасининг чорак финалида “Атлетико Мадрид”га мағлуб бўлиб, мусобақани тарк этди. Икки ўйин натижасига кўра умумий натижа 3:2 ҳисобида  мадридликлар фойдасига ҳал бўлди.