“Барса” катта трансферга қўл урмоқчи

Хави “Барселона” таркибини ўзига керак бўлмайдиган ўйинчилардан тозалаш ва уларнинг ўрнига бошқа ижрочиларни олиб келиш масаласига алоҳида эътибор қаратмоқда.

Таниқли журналист Жерар Ромаронинг маълум қилишича, бош мураббий клуб раҳбариятидан Филиппе Коутиньо ва Самюэль Умтитини сотиб юбориб, уларнинг ўрнига “Ювентус” ҳимоячиси Матейс де Лигтни олиб келишни сўраган.

Каталонияликлар бу трансферларни январь ойида амалга оширишни мўлжалламоқда.

Бразилиялик юлдуз жорий мавсумда 12та учрашувда иккита гол уришга муваффақ бўлди. Франциялик ҳимоячи эса майдонда бир марта кўриниш берди холос.