“Барса” кутилмаган йўлни танлади

“Барселона” ҳужум чизиғини кучайтириш мақсадида “Атлетико” билан ҳужумчи алмаштириш вариантини ишлаб чиқмоқда.

Маълумки, аслида каталонияликларга тегишли бўлган Антуан Гризманн ижара асосида “Атлетико” шарафини ҳимоя қилмоқда. Хави франциялик ҳужумчини Мадридда қолдиришга қарши эмас.

Бунинг учун мадридликлар ўзларига керак бўлмай қолган Альваро Моратани Каталонияга жўнатиши талаб этилади. Мората анчадан бери ижара асосида “Ювентус”да ўйнаяпти.

Агар бу рокировка амалга ошса, ҳар икки клубҳам мақсадига етади.

Гризманн мавсум давомида 37 та учрашувда саккизта гол ва олтита ассист қайд этган бўлса, Мората 47 та ўйинда жами 11 та тўп киритди ва саккизта самарали пас берди.