"Барса" Ла Лиганинг охирги ўриндаги жамоаларидан 3 ўйинда 7 гол ўтказиб юборди!

"Барселона" клуби кеча Испания Ла Лигаси доирасида "Гранада"га қарши баҳс олиб борди. Мазкур ўйин жанговор 3:3 ҳисобидаги дуранг натижа билан якун топди. 

Аҳамиятлиси, Хави шогирдлари ички чемпионатда охирги икки ўринларни банд этиб турган жамоаларга қарши уч ўйинда ўз дарвозасидан 7 та тўп олиб чиқди. "Гранада" билан биринчи даврада 2:2 ҳисобидаги дуранг қайд этилган бўлса, "Альмерия" 3:2 ҳисобида таслим этилган. 

Маълумот ўрнида, "кўк-анорранглилар"нинг кейинги учрашуви 17 февраль куни "Сельта"га қарши бўлиб ўтади. Мазкур жамоа айни пайт Ла Лигада 17-ўринни банд этиб турибди...