“Barsa” mashhur hujumchini yana to‘rt yilga olib qoldi

“Manchester Yunayted” qanot hujumchisi Markus Reşford kelajagi bo‘yicha bir qarorga keldi. Joriy mavsumni ijara asosida “Barselona”da o‘tkazayotgan futbolchi kataloniyaliklar bilan to‘liq shartnoma bo‘yicha kelishuvga erishdi.

Bu haqida insayder Nikolo Skira X ijtimoiy tarmog‘ida xabar berdi.

Manba ma’lumotiga ko‘ra, kelishuv 2030 yil yozigacha mo‘ljallangan. Xabar qilinishicha, ham futbolchi, ham klub hamkorlikni davom ettirishdan manfaatdor.

“Manchester Yunayted” va “Barselona” o‘rtasidagi ijara bitimida Reşfordni sotib olish bandi 30 million yevroni tashkil etadi.

Jurnalist ma’lumotiga ko‘ra, kataloniyaliklar to‘liq transferni amalga oshirishni istaydi, buning uchun esa, “Manchester Yunayted”dan chegirma olishga umid qilmoqda.