“Барса” мураббийи аламли мағлубият сабабини айтди

“Барселона” Испания чемпионатининг 18-турида ўз мухлислари кўз ўнгида асосий рақобатчиларидан “Атлетико Мадрид”га 1:2 ҳисобида ютқазиб қўйди.

Учрашувдан кейин бош мураббий Ханс-Дитер Фликнинг ёрдамчиси мағлубиятга сабаб бўлган омилларни шарҳлаб берди.

- Беллашувнинг сўнгги дақиқалари умуман бошқача сценарийда кечди. Биз жуда кўп вазиятларни яратдик, лекин гол ура олмадик. Бу жуда аламли мағлубият бўлди.

Менимча, бу мавсумдаги энг зўр ўйинларимиздан бири бўлди, аммо биз очко ололмадик. Қўлимидан келган барча ишни қўллашга уриндик, охиригача курашдик. Бундан фахрланишимиз керак.

Бу баҳсда рақиб аниқроқ ҳаракат қилди ва айнан мана шу мағлубиятимизга сабаб бўлди.

“Атлетико” сингари рақибга қарши ўйнаганида иккинчи тўпни кирита олмасанг, беллашувнинг охирги 15 дақиқаси жуда қийин кечади. Аслида яхши ҳимояланиб тургандик, лекин сўнгги дақиқада гол ўтказиб юбордик, - деди Маркус Зорг.

Эслатиб ўтамиз, “Барселона” бош мураббийи Ханс-Дитер Флик аввалги учрашувда қизил карточка олгани учун “Атлетико”га қарши баҳсда жамоани Маркус Зорг бошқариб борди.