“Барса” раҳбарияти: Месси қайтариб аҳмоқ эмасмиз!

“Барселона”нинг молиявий масалалар бўйича вице-президенти Эдуард Ромеу клуб тарбияланувчиси Лионель Мессининг қайтарилиши клуб ишларини издан чиқариб юбориши мумкинлигини маълум қилди.

- Ла Лига раҳбарияти “Барселонеа”нинг трансферлар режасини тасдиқлаб берган тақдирда ҳам Лионель Мессини рўйхатдан ўтказиш учун футболчиларни сотишда давом этишимиз талаб қилинади. Биз бундан оғир вазиятларда ҳам ишлаганмиз, лекин Мессининг трансфери деб аҳмоқлик қила олмаймиз. Месси қайтариш режада йўқ. Клубдаги хотиржамликни қўлдан бой беришни истамайман.

Ҳозир таркибда бор футболчилар ва келаси мавсум учун олинадиган ўйинларнинг маошини инобатга олиб, меҳнатга ҳақ тўлаш фонди 480 миллион евродан ошмаслиги керак.

Молиявий муаммоларни юмшатиш учун икки йил сабр билан ишладик. Маошларни қисқартириш орқали меҳнатга ҳақ тўлаш фондини сезиларли даражада қисқартирдик, - деди Эдуард Ромеу.