“Барса” “Реал”га қарши ўйин олдидан уч етакчисини йўқотиши мумкин

Испания чемпионатининг энг муҳим учрашувларидан бири 10 май куни “Барселона” ва “Реал” ўртасидаги навбатдаги “эл-класико” бўлади.

Каталонияда бўладиган учрашувда “Барселона” катта йўқотишга дуч келиши мумкин. Ханс-Дитер Флик жамоасининг уч нафар етакчи ўйинчиси “Эл-класико” олдидан дисквалификация хавфи остида турибди.

Гап Рафинья Диас, Френки де Йонг ва Марк Берналь ҳақида кетмоқда. Агар улар 2 май куни бўладиган “Осасуна”га қарши баҳсда сариқ карточка олса, чемпионатнинг кейинги ўйини, мадридликлар билан бўладиган тўқнашувни ўтказиб юборади.

Шунга қарамай, “Барселона” тобора чемпионликка яқинлашиб келмоқда. Ла Лигада пешқадамликни қўлга олган каталонияликлар энг яқин таъқибчи “Реал”дан 11 очкога ўзиб кетган.