"Барса" Роберто борасида бир қарорга келди.

"Барселона" Серхио Роберто борасида бир қарорга келди. Унинг каталонияликлар билан амалдаги шартномаси келаси йилнинг ёзида якунланади. 

"Барса" раҳбарияти испаниялик ҳимоячи билан шартномани узайтирмоқчи эмас. Бу ҳақда "BTV Esports" нашри хабар берди. Манбанинг ёзишича, "Барселона" таркибни ёшартимоқчи ва бундан ташқари Робертонинг маоши ҳам бунга сабабчи. 

Катта эҳтимол билан Роберто фаолиятини МЛС ёки Саудия Арабистони чемпионатида давом эттиради.

Серги Роберто "Барселона" академияси тарбияланувчиси ҳисобланади. 31 ёшли универсал футболчи "кўк-анорранглилар"нинг асосий жамоаси сафида 355 та расмий ўйин ўтказиб, 17 та гол урган ва шерикларига 40 та голли узатма берган.