“Барса” суперҳужумчи оладиган бўлди

“Барселона” Европанинг энг зўр ҳужумчиларидан бири бўлиб турган Эрлинг Холандни олишга қарор қилди.

Каталонияликлар “Боруссия” тўпурарини қўлга киритиш учун ёзда “Реал”, “Манчестер Юнайтед”, “Челси” ва “Манчестер Сити” билан рақобатлашишга тайёргарлик кўрмоқда.

Аввалроқ, норвегиялик ҳужумчининг агенти Мино Райола мижозини “Барселона”га жойлаш учун уни дортмундликлар билан амалдаги шартномани ёзда бекор қилишга ундаётгани ҳақида хабарлар тарқатилган эди.

Эрлинг Холанд жорий мавсумда Бундеслигида 10 та учрашувда 12 та гол урди. Унинг трансфери ёзда 75 миллион евро бўлиши шартномада белгилаб қўйилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)