“Barsa” superhujumchiga ega bo‘ldi

Nihoyat, Ronald Kuman kutgan transfer amalga oshadigan bo‘ldi. “Lion” bilan shartnomasi yakuniga etgan Memfis Depay qator klublardan taklif bo‘lganiga qaramay, “Barselona”ga o‘tishga rozi bo‘ldi.

Manbalarning ma’lum qilishicha, “Barselona” kelasi hafta bu transferni rasman e’lon qilishga tayyorgarlik ko‘rmoqda.

Niderlandiyalik hujumchi Kataloniya superklubi bilan uch yillik shartnoma imzolaydi. Uning maoshi yiliga besh million evroni tashkil qiladi.

Memfis Depay “Lion”da 2017 yildan beri to‘p tepayotgan edi. Yakunlangan mavsumda hujumchi 36 ta uchrashuvda qatnashib, raqiblar darvozasini 20 marotaba aniq nishonga oldi va 10 ta golli pas uzatdi.