“Барса” суперҳужумчини кутяпти

“Барселона” раҳбарияти “Интер” тўпурари Ромелу Лукакунинг трансферини режалаштирмоқда.

Ромелу Лукакуга клубнинг бош мураббийи Рональд Куман шахсан қизиқиб қолган. Нидерландиялик мураббий бу футболчи жамоанинг ҳужумдаги имкониятларини сезиларли даражада оширишига ишонмоқда.

Маълумки, “Барселона” раҳбарияти ёзда асосий таркибнинг саккиз нафар футболчисини сотиб юборишга қарор қилганди. Бу трансферлардан келадиган маблағ Лукакуни олиш имкониятини беради.

Бельгиялик ҳужумчи “Манчестер Сити” нишонида ҳам турибди. Бироқ Ромелу Англияга қайтмоқчи эмаслигини таъкидламоқда. Демак, каталонияликларда уни қўлга киритиш имконияти сақланиб турибди.

Матнда хатолик топсангиз, ўша хатони белгилаб, бизга жўнатинг (Ctrl + Enter)