“Барса” устози Анчелоттининг “Реал”дан кетиши мумкинлигига муносабат билдирди

Испания чемпионатида пешқадамлик қилаётган “Барселона” устози Ханс-Дитер Флик асосий рақобатчиси – “Реал” бош мураббийи Карло Анчелотти атрофида юзага келган вазиятга муносабат билдирди.

Гап шундаки, “Реал” раҳбарияти италиялик мутахассис Карло Анчелоттини истеъфога чиқариш эҳтимоли ошиб бормоқда.

-  Карло Анчелотти билан юз бераётган воқеаларни кузатиш ёқимсиз ҳолат. Бу мутахассис “Реал” билан барча совринларни қўлга киритиб бўлган.

Мен Карло Анчелоттини жуда қаттиқ ҳурмат қиламан, - деди каталонияликларнинг германиялик бош мураббийи журналистларга.

65 ёшли Анчелотти “Реал”ни 2021 йил бери бошқариб келмоқда. Ўтган мавсум жамоа Испания чемпионати ва Европа Чемпионлар лигасида ғолиб чиққан эди. Гарчи Анчелоттининг амалдаги шартномаси 2026 йилнинг ёзигача мўлжалланган бўлса-да, клуб хўжайинлари унинг бу йилги ишидан қониқмаяпти.