"Барса" ва "Атлетико" Депай борасида келишувга эришди

"Барселона" футболчиси Мемфис Депай "Атлетико" ўтмоқда. Иккала клуб ҳам трансфер бўйича келишувга эришди. Битимга кўра Мадрид жамоаси ҳужумчи учун 3 ёки 4 миллион евро тўлайди. Бу ҳақда инсайдер Фабрицио Романо хабар бермоқда. 

Журналистнинг сўзларига кўра, нидерландиялик тез орада тиббий кўрикдан ўтиш учун йўлга отланади. У клуб билан 2025 йилгача амал қиладиган шартнома бўйича келишиб олган.

Маълумот учун, Депай ушбу мавсум барча чемпионатларда 8 та ўйинда майдонга тушиб, 4 та гол урди ва 1 та ассист амалга оширди. У айнан мана шу кам ўйин амалиёти сабаб "Барселона"yи тарк этмоқда.