“Барса” “Валенсия”нинг ишонган футболчисини тортиб олмоқда

“Валенсия” ўзи тарбиялаётган ҳимоячи Уго Гильямондан қуруқ қоладиган бўлди. Ҳозирча ёшлар жамоасида тўп сураётган 20 ёшли футболчи “Барселона” эътиборига тушди.

Каталонияликлар истеъдод эгасини қўлдан чиқармаслик учун дарров унинг агенти билан музокараларга киришди.

Гильямон бу йил асосий жамоа таркибида учта учрашувда қатнашди. Унинг ўйини мутахассислар томонидан юқори баҳоланди. Футболчининг амалдаги шартномаси бир неча кундан кейин якунига етади ва “Барселона” уни мутлақо бепул қўлга киритиш имконига эга бўлади.

Матнда хатолик топсангиз, ўша хатони белгилаб, бизга жўнатинг (Ctrl + Enter)