“Челси” Дастан Сатпаев бўйича якуний қарор қабул қилди

Англиянинг “Челси” клуби қозоғистонлик ҳужумчи Дастан Сатпаевга профессионал жиҳатдан ўсиш имкониятини беришга қарор қилди.

Бу ҳақда Лондон клубидаги манба маълум қилди.

18 ёшли футболчига уни ижарага олишга тайёр бўлган бир нечта Европа клублари қизиқиш билдирмоқда. Улар орасида Франциянинг “Страсбур”, Испаниянинг “Расинг”, Англиянинг “Халл Сити” клублари ва бир қаторда бошқа жамоалар ҳам бор.

“Челси” Сатпаевни тажриба тўплаши ва Европа футболи талабларига тўлиқ мослашиши учун бир йил муддатга ижарага жўнатадиган бўлди.

“Аристократлар” раҳбарияти ва мураббийлар штаби яқин вақт ичида ўз танловини амалга оширади. Бироқ Сатпаевнинг бўлажак мавсумни “Челси” асосий таркибида бошлаш эҳтимоли умуман йўқ.

Қозоғистонлик ёш футболчи Хаби Алонсо қўл остида лондонликларнинг мавсумолди ўқув-машғулот йиғинида қатнашди ва ҳатто битта гол уришга ҳам муваффақ бўлди. Бироқ унинг ҳаракатлари асосий жамоадан жой олиш учун етарли бўлмагани айтилмоқда.