“Барса” Холанддан юз ўгирганининг ҳақиқий сабаби ошкор бўлди

“Барселона” раҳбрияти ёзги трансферлар вақтида “Боруссия” тўпурари Эрлинг Холандни ўз сафига қўшиб олишни режалаштирган эди.

Кейинчалик каталонияликлар Норвегия терма жамоаси ҳужумчиси учун курашдан чиқди. Маълумотларга қараганда, “Барселона” 21 ёшли ҳужумчини олиш фикридан қайтишига ўйинчининг кўп жароҳат олаётгани эмас, балки хулқи сабаб бўлган.

Манбаларнинг маълум қилишича, Эрлинг Холанд тунги базмларни ва кўнгилхушликларни жуда хуш кўради. “Барса” раҳбарияти бундай ҳаёт тарзи Эрлингнинг ўйинига салбий таъсир кўрсатади, деб баҳолаган ва уни олиш режасидан воз кечган.

Айни пайтда истеъдодли тўпурарга асосий даъвогар сифатида “Манчестер Сити” эътироф  этилмоқда.