“Барса” юлдузи: Мен бу футболчи билан кам гаплашаман!

“Барселона”нинг ёш юлдузларидан бири Педри журналистларга жамоадошлари билан алоқалари ҳақида гапириб берди.

20 ёшли футболчи ҳамма билан ҳам доимий равишда алоқани ушлаб тура олмаслигини маълум қилди.

- Жамоадошларимдан қайси бири билан кам гаплашаман? Аслижда “Барселона”да ҳамма билан муносабатим яхши. Лекин Сержино Дест билан ҳаммадан кам мулоқот қиламан. Бунинг сабаби у испанчани яхши тушунмайди, мен эса инглизчада яхши гаплаша олмайман, - деди Педри.

Америкалик ҳимоячи Сержино Дест “Барселона”га 2020 йили “Аякс”дан кўчиб ўтган эди. Каталонияликларга Хави Эрнандес бош мураббий қилиб тайинлангач, унга асосий таркибдан жой бермади.

Бу гал ҳам клуб Дестни Нидерландия чемпионати вакили ПСВга ижарага жўнатмоқда.