“Барса”да Мессига зиён келтирмоқчи бўлганлар бор
“Монако”да тўп сураётган Сеск Фабрегас “Барселона” ҳужумчиси Лионель Месси атрофида юз бераётган воқеаларга ўз муносабатини билдирди.
- Шунча йилдан кейин Лионель Мессидан яна нималарни талаб қилиш мумкинлигини билмайман. Сиз клуб учун кўп нарса беришингиз мумкин, лекин ҳамма охиридаги нарсаларни кўради холос. Мен “Барселона”да Мессига зиён етказиш пайида юрганларни кўрдим. Шунга қарамай, Лео клубда қолганига ундан миннатдорман. Балки ҳозир Месси ўзини ёлғиз ҳис қилмаётгандир, лекин Суарес унинг клубдаги асосий таянган дўсти эди, - дейди Фабрегас.
Ҳозирча, Месси фаолиятини қаерда давом эттириши маълум эмас. Чунки, олдин “Барселона”га янги президент сайланиши керак. Бўлажак раҳбарнинг биринчи вазифаси Мессини қолишга кўндириш бўлади. Аргентиналик ҳужумчини ўзига чорлаётган жамоалар эса қишки трансфер ойнаси очилишини кутмоқда.
Фикрлар