Роналду испанлар гегемонлигига барҳам бермоқчи
Португалия терма жамоаси Миллатлар лигаси гуруҳ беллашувлари доирасида Хорватия устидан 3:2 ҳисобида зафар қучди.
Бу португалиялик сардори Криштиану Роналду учун терма жамоадаги 101-ғалаба бўлди. Роналду мазкур кўрсаткич бўйича, Испания терма жамоасида ўйнаган Хавини ортда қолдириб, учинчи ўринга кўтарилишга муваффақ бўлди.
Мутлақ рекорд ўрнатиш учун Роналду испанлар гегемонлигига барҳам бериши керак. Чунки ундан олдинда Испания терма жамоасининг яна икки ўйинчиси – Икер Касильяс ва Серхио Рамос бор.
Фаолиятини якунлаган Касильяс мамлакат бош жамоаси билан 121 та учрашувда ғолиб чиққан. Ҳамон тўп тепаётган Серхио Рамос эса ғалабали ўйинлар сонини 130 тага етказиб олди.
Фикрлар