"Barsa"dan ketmoqchi bo‘layotgan Grizmannga to‘rtta grand xaridor

Antuan Grizmann kelasi yozda Kataloniyani tark etish fikridan qaytgani yo‘q. Frantsiyalik jahon chempioni jamoa ichidagi muammolardan charchaganini va klubdagi mavqeidan norozi ekanini  aytmoqda.

“Atletiko”dan porlagan va madridliklarning asosiy yulduzi bo‘lgan Grizmann 2019 yili “Barselona”ga kelganidan beri kutilgan o‘yinni namoyish qila olmayapti. U bir necha oydan beri jamoadan ketmoqchi bo‘lib yuribdi.

Evropaning grand klublari, jumladan, “Yuventus”,  “Inter”, PSJ va “Manchester Yunayted” 29 yoshli to‘purarni o‘z safiga qo‘shib olish istagini bildirmoqda.