“Барса”га ўтмоқчи бўлаётган юлдуз “Ливерпуль”га босим қиляпти

“Ливерпуль” Англия чемпионатида ғолиб чиққанидан кейин келаси мавсум халқаро майдонда нуфузли совринларга эга чиқиш учун ҳаракат қиладиган бўляпти.

Арне Слот чемпион жамоа таркибини сақлаб қолишга уриняпти. Бироқ жамоа етакчиларидан Луис Диас тақдирини “Барселона” билан боғламоқчи.

Mundo Deportivo нашрининг ёзишича, колумбиялик футболчи 2027 йилнинг ёзигача амал қиладиган шартномасини узайтириш бўйича музокараларни блоклаб қўйди.

Луис Диас “Ливерпуль” клуби раҳбариятига мақсади Каталонияга кетиш эканини очиқ айтди.

Англия чемпионлари Диасни қўйиб юборишга қарши эмас. Бироқ бунинг учун харидор клуб 28 ёшли ўйинчи учун мерсисайдликларга 85 миллион евродан бошланган таклифларни бериши талаб этилмоқда.