“Барса”ни рад этадиган ўйинчи ҳам бор экан

“Челси” ярим ҳимоячиси Жоржиньо “Барселона”га ўтмайдиган бўлди.

Каталония клуби марказий ярим  ҳимоячининг шартномаси якунланаётганидан фойдаланиб, уни эркин агент сифатида ўз сафига қўшиб олмоқчи эди.

Бироқ, Жоржиньонинг режаси ўзгарди ва у “аристократлар” сафида қолишни маъқул кўрмоқда. Футболчининг агенти Жоау Сантос “Челси” билан янги битим бўйича музокара олиб борилаётганини тасдиқлади.

Масала июнь ойида ҳал бўлади. Биз “Челси”да қолиш йўналишида ҳаракат қиляпмиз, - деди Жоау Сантос.

Италиялик Жоржиньо “Верона” клуби тарбияланувчиси ҳисобланади. А Серияда “Наполи” шарафини ҳам ҳимоя қилган ва 2018 йили 57 миллион евро эвазига “Челси”га кўчиб ўтган эди.

Фикрлар

Фикр қолдириш учун авторизациядан ўтинг!