“Барса”нинг орзуси армонга айланди

“Барселона” президенти Хосеп Мария Бартомеу молиявий инқироз туфайли клуб орзу қилган ҳужумчилар – Неймар ва Лаутаро Мартинесни жамоага таклиф қила олмаслигини тан олди.

- Биз “Интер” билан Лаутаро бўйича бир неча ҳафта музокара ўтказдик ва охири келишувни тўхтатишга қарор қилдик. Биз катта трансферни тўлай олмаймиз. Неймар масаласида ҳам худди шундай. Ўтган йили уни қайтаришга ҳаракат қилгандик. Бу йил ПСЖдан уни сўрамадик ҳам.

“Барселона” уч ой ичида 200 миллион зарар кўрди. Аслида биз келаси мавсумни қўшиб ҳисоблаганда 1,1 миллиарл евро ишлаб топишимиз керак эди. Энди бунинг имкони йўқ. Бир йил эмас, камида уч-тўрт йил давомида гранд клублар катта трансферлар қила олмайди. Асосий эътибор, футболчи алмашишга қаратилади, - деди Бартомеу.