"Барселона" - "Атлетико" учрашувида "Реал" учун қониқарли ҳисоб қайд этилди!

Испания Ла Лигаси 35-туридан ўрин олган "Барселона" - "Атлетико" Мадрид учрашуви ўз якунига етди. Унда томонлар 0:0 ҳисобида дуранг ўйнади.

Ўйин давомида қанча ҳаракат қилмасин, футболчилар дарвозаларни ишғол эта олмади. Тер Штеген ҳамда Облак ўз сейвлари билан жамоадошлари жонига ора кирди.

Шу тариқа, каталонияликлар очколари сонини 75 тага етказиб олган ҳолда, 2-ўринга кўтарилиб олди. 77 очко жамғарган мадридликлар 1-поғонани мустаҳкамлади.

• 90+3'
  

  Учрашув якунланди. Чемпионлик ўйинида кучлар тенг келди!

• 90+2'

  Мадридликлар Суареснинг фаол ҳаракатлари эвазига бурчак зарбасига эга бўлди. Бироқ ундан наф чиқара олишмади.

• 90'
  

  Ўйиннинг асосий вақтига 2 дақиқа қўшилди!

• 90'

  Мессининг зарбаси ва Облакнинг отилиши! Тўп устун ёнгинасидан ўтиб кетди.

• 89'

  Жарима майдони яқинида Месси ўзи учун ажойиб стандарт ишлаб олди. Ҳаммаси Леонинг ўз қўлида.

• 87'

  Суареснинг жарима майдони ичидан йўллаган зарбаси кўнгилдагидек чиқмади.

• 85'

  Альбанинг узатмасидан кейин жуда қулай имконият ҳосил қилган Дембеле ноаниқ зарба берди.

• 84'

  Суареснинг бу сафарги узатмаси ҳам ноаниқ кетди.

• 83'
  

  Ҳакамга оғзаки эътироз билдирган Альбага сариқ карточка кўрсатилди.

• 82'
  

  Фелишни қўллари билан ушлаб қолган Пике огоҳлантирилди.

• 80'

  Томонлар анча катта куч йўқотмоқда. Бугунги ғалаба қиймати жуда юқори.

• 79'

  Жарима майдони яқинида Дембеле йиқитилди. Тўп ёнида Месси.

• 77'

  Сўнгги дақиқаларни "кўк-анорранглилар" бироз фаолроқ ўтказмоқда.

• 75'
  

  Дест ва Педри захирага олинди. Энди улар ўрнида Дембеле ҳамда Роберто ҳаракат қилади.

• 73'

  Мессининг узатмасига Альба бироз ета олмади.

• 72'
  

  Анхель Корреа ўрнига Жеофри Кондогбиа майдонга тушди.

• 70'
  

  Араухо ҳисобни очди! Бироқ у офсайдда эканлиги туфайли гол инобатга олинмади.

• 69'

  Суарес зарба позициясидан пас берди. Унинг қарори хато бўлиб чиқди.

• 68'
  

  Захирадан майдонга тушган Сауль ўрнига Жоау Фелиш ўйинга қўшилди.

• 66'
  

  Мессининг стандартдан берган зарбасини Облак қайтарди. Сейвлар бўйича Тер Штеген - Облак 5:4!

• 65'
  

  Коке жарима майдонига яқин ҳудудда рақибига нисбатан қоида бузди. Лаос унга  сариқ карточка кўрсатди.

• 63'
  

  Пикенинг зарбаси аниқ чиқди. Облак ўз ўрнида.

• 63'

  Морибанинг тахминан 7-8 метр масофадан йўллаган зарбаси ҳимоячига тегди.

• 62'

  Каталонияликлар ўз ҳужумларини рақиб ярим майдонига кўчирди.

• 60'

  "Барселона" майдон марказидан ўтишга қийналмоқда. Бир томондан, бунга рақибнинг тактик фоллари ҳам ҳалал беряпти.

• 58'
  

  Эрмосони чалиб йиқитган Мориба сариқ карточкага лойиқ кўрилди.

• 57'
  

  Луис Суарес воқеалар ривожидан бироз илгарилаб кетди. Ҳакам ўйинни тўхтатди.

• 55'

  "Атлетико" босимни давом эттирмоқда. Бу сафар Каррасконинг зарбаси хавфли чиқди. Тўп йўлига Мориба тўғаноқ бўлди.

• 54'

  Иккинчи 45 дақиқаликда тўп назорати Симеона шогирдлари томонда бўлиб турибди.

• 52'

  Лангле Корреага нисбатан қоида бузди. Лаос оғзаки танбеҳ билан чекланди.

• 50'

  Қанотдан жарима майдонига узатилган тўпни Сауль майдон ташқарисига чиқариб юборди.

• 49'
  

  "Матрасчилар" навбатдаги бурчак зарбасидан наф чиқара олмади.

• 47'

  Суареснинг узоқ масофадан берган зарбаси ноаниқ кетди.

• 46'
  

  Мессига қарши ишлатилган қўполлик натижасида Фелипе огоҳлантирилди.

• 46'
  

  Иккинчи тайм бошланди!

• 46'
  

  Бўлимлар оралиғида "Барса"да ўзгариш: Оскар Мингеса ўрнига Рональд Араухо майдонга тушди.

• 46'

  Футболчилар майдонга қайтди. Биз ҳам қайтамиз!

• 45+4'
  

  Биринчи таймда ҳисоб очилмади. Танаффус!

• 45+3'

  Месси яна марказда қўполлик эвазига тўхтатилди.

• 45+2'

  Сўнгги дақиқаларни мадридликлар нисбатан фаолроқ ўтказмоқда.

• 45'
  

  Биринчи таймга 4 дақиқа қўшиб берилди.

• 45'

  Фелипе жарима майдони ичидан ноаниқ зарба берди. Ўта қулай имконият қўлдан кетди.

• 44'

  Бўлим якунига келиб, томонлар фаолликни оширди.

• 43'

  Карраско жарима майдони ичида зарба беришга кечикди. Кеч бўлсада йўлланган зарба йўлига ҳимоячи ғов бўлди.

• 41'
  

  5 рақибини алданан Месси қулай позицияга чиқиб борди ва зарба йўллади. Облак тўпни қайтарди.

• 39'
  

  Антуан Гризманн ўйиндан ташқари ҳолатда қолиб кетди. Облак эркин зарба билан тўпни ўйинга киритиб беради.

• 37'
  

  Ўткир бурчакдан йўлланган зарбани яна Тер Штеген қайтарди.

• 36'

  Месси стандартдан жарима майдони ичига узатма амалга оширди. Олдинга чиққан Облак тўпни ушлаб олди.

• 35'
  

  Мессини қўллари билан ушлаб йиқитган Сауль огоҳлантирилди.

• 34'
  

  Бу сафар Суареснинг уринишини "Барса" дарвозабони бартараф этди.

• 34'
  

  Маркос Льорентенинг зарбасидан кеийн Тер Штеген қайтарди.

• 33'

  Бугун майдонда том маънода жанг кечмоқда! Футболчилар бир-бирини умуман аямаяпти.

• 32'
  

  Серхио Бускетс ўз ўрнини Илаиш Морибага бўшатиб берди.

• 30'

  Бускетс майдонда ётибди. У ўйинни давом эттира олмайдиган кўринади.

• 29'
  

  Антуан Гризманнинг олис масофадан берган зарбасини Облак ушлаб олди.

• 27'

  Ҳакам футболчиларга салқинланиб олиш имкониятини тақдим этди.

• 26'
  

  Иккинчи қаватдаги тўп учун курашда Савич ва Бускетс тўқнашиб кетди. Серхиога тиббий ёрдам керак.

• 24'

  Симеоне шогирдлари зич ҳимояланмоқда. "Барселона" ҳужумда қийинчиликка дуч келяпти.

• 22'

  Пике майдон марказида Суаресни йиқитди. Бугун Жерар Луисга қарши персонал тарзда шуғулланмоқда.

• 20'
  

  Бурчакдан етказиб берилган тўпни Тер Штеген эгаллаб олди.

• 19'

  Корреанинг зарбасидан кейин Лангле тўпни қайтариб, жамоасини муқаррар голдан қутқариб қолди.

• 17'

  Жарима майдони ичида тўпни қабул қилиб олган Гризманн зарба йўллай олмади.

• 16'

  Қанотда Эрмосо Дестга нисбатан қоида бузди. Мезбонларда стандарт вазият.

• 15'

  Умуман олганда, томонлар эҳтиёткорликка урғу қаратмоқда. "Барселона" тўпни ўзида ушлаб турибди.

• 13'
  

  Жароҳат олган Лемар ўрнига Сауль ўйинни давом эттиради.

• 13'
  

  Тома Лемар оёқ пайларини шикастлаб олди. Унга тиббий ёрдам керак.

• 12'

  Месси ва Гризманн комбинация уюштирди. Антуаннинг узатмасини Лемар қайтариб юборди.

• 10'

  Суараснинг зарбасидан кейин Тер Штеген тўпни эгаллаб олди.

• 9'

  Жарима майдонига яқин ҳудудда Суаресга нисбатан Пике қоида бузди. Меҳмонларда қулай стандарт вазият юзага келди.

• 8'

  Томонлар тактик фоллар билан рақиб ҳужумини эрта тўхтатишга ҳаракат қиляпти.

• 6'

  "Кўк-анорранглилар" тўпни ўзларида ушлаб турибди. Рақиб бир сонияга ҳам ҳушёрликни йўқотгани йўқ.

• 5'

  "Атлетико" жарима майдонига етказиб берилган тўпга ҳеч ким ета олмади.

• 3'

  Иккинчи темп билан ҳужумни давом эттирган меҳмонлар зарба йўллашга муваффақ бўлди. Лемарнинг уринишидан кейин дарвозабон тўпни ушлаб олди.

• 3'

  Илк ҳужум мадридликларда. Корреанинг жарима майдонига оширган тўпига Суарес ета олмади.

• 2'

  Доимгидек, каталонияликлар тўп назоратини қўлга олиш учун ҳаракатларни бошлаб юборди.

• 1'
  

  Учрашувга старт берилди!

• 0'

  Луис Суарес "Камп Ноу"га қайтди. Бироқ энди "Атлетико" либосида. У бугун ўзи учун қадрдон стадионда қадрдон футболчиларга қарши ҳаракат қилади.

• 0'

  Футболчилар супер ўйинда иштирок этиш учун майдонга тушиб келди. Чемпионлик баҳс бошланиш арафасида!