"Барселона" 10 та футболчисини йўқотиши мумкин

"Барселона" ҳанузгача молиявий қийинчиликларни бошдан кечирмоқда. "Mirror" нашрининг хабарига кўра, молиявий муаммолар сабабли келаётган ёзда каталониялик клуб 10 нафар футболчисини йўқотиши мумкин.

 Гап 30 июньгача амалдаги шартномаси тугайдиган "Барселона Б" футболчилар ҳақида кетмоқда. Ушбу футболчилар эркин агент сифатида клубни тарк этишлари эҳтимоли бор.

Шуни таъкидлаш керакки, "Барселона" молиявий муаммоларга бир неча йилдан бери дуч келмоқда. 2021 йилда каталонияликлар Лионел Мессидан воз кечишга мажбур бўлишган, жорий мавсум эса клуб бир неча футболчини рўйхатдан ўтказишда муаммоларга дуч келган.

"Барселона" навбатдаги ўйинини пайшанба, 27 март куни ўз майдонида "Осасуна"га қарши ўтказади.