"Барселона" 18 ёшли ҳимоягачига қизиқиш билдирмоқда

"Тоттенхэм"нинг 18 ёшли марказий ҳимоячиси, "Гамбург"да ижара асосида тўп сураётган Лука Вушкович "Барселона"га кўчиб ўтиши мумкин.

"Кўк-анорранглилар" Вушковични кузатиб бормоқда, аммо қишки трансфер амалга ошиши даргумон. Агар битим амалга ошса, бу 2026 йилнинг ёзида содир бўлади.

Қайд этилишича, Вушковичнинг ўйинларига нафақат "Барселона" қизиқиш билдирмоқда. Футболчини Германия, Англия ва Италия клублари ҳам кузатиб бормоқда.

Жорий мавсумда Вушкович барча турнирларда 15 та ўйинда майдонга тушиб, 2 та гол уришга муваффақ бўлди.

Ҳимоячининг "Тоттенхэм" билан меҳнат шартномаси 2030 йилнинг июнигача мўлжалланган. "Transfermarkt" портали футболчининг нархини 40 миллион еврога баҳоламоқда.