"Барселона" 2020-йилдаги энг сўнгги ўйинида очко йўқотди, Месси эса...

Испания Ла Лигаси 16-тури доирасидаги "Барселона" - "Эйбар" учрашуви ўз ниҳоясига етди. Унда 1-1 ҳисобидаги дуранг қайд этилди.

Дастлаб, 1-таймда пенальтидан аниқ фойдалана олмаган (Брейтвейт 8) каталонияликлар 57-дақиқада гол ўтказиб юборди. Кейин эса захирадан ўйинга қўшилган Усмон Дембеле ҳисобдаги мувозанатни тиклади ва шу ҳисоб ўйин якунига қадар ўзгармади. 

Шу тариқа, "Барселона" 2020-йилни дуранг натижа билан якунлаб олди. Месси Аргентина сафаридан энди қайтганлиги боис ўйин қайдномасига киритилмаган эди ва учрашувни трибунадан туриб кузатди.

• 90+4'
  

  Учрашув якунланди! "Барселона" 2020-йилдаги сўнгги баҳсини дуранг натижа билан якунлади. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'
  

  "Эйбар"да сўнгги ўзгариш амалга оширилди. Диоп ўрнига майдонга Куберо тушди.

• 90+1'

  Ух қандай вазият! Тринкао жарима майдони ичида ўзининг ажойиб дриблингини намойиш этди ва дарвозага зарба йўллади, тўп дарвоза устунининг ёнгинасидан ўтиб кетди!!! 

• 90+'
  

  Ўйинга 3 дақиқа вақт қўшиб берилди.

• 90'
  

  "Барселона"да энг сўнгги ўзгариш: Педри ўрнига Рикки Пуч майдонга тушди.

• 89'
  

  Лайнсмен байроғини кўтарди, Фирпо офсайдда қолиб кетди.

• 86'

  Ажойиб ҳужумни ажойиб зарба билан якунлаган Педри тепган тўп дарвоза устунига тегди!

• 84'
  

  Ҳозиргина майдонга тушган Ресио қўпол фол намойиш этиб, сариқ карточка билан жазоланди.

• 83'
  

  "Барселона" устози Рональд Куман ўзгаришни майдонга ташлади: Лангле ўйинни энди захира ўриндиғида ўтириб кузатади, Бускетс эса унинг ўрнига ўйинни давом эттиради.

• 82'
  

  Меҳмонларда яна бир ўзгариш: Дамиан Кондзёр ўрнига майдонга Ресио тушди.

• 81'
  

  "Барселона" амалга оширган бурчак зарбаси ўта кучли чиқди ва ҳеч кимга насиб этмади.

• 79'

  "Эйбар" футболчиси ҳужумда фол намойиш этди. Жарима зарбаси.

• 78'
  

  "Барселона" бурчак тўпидан унумли тарзда фойдалана олмади, ҳимоячилар омадли ва яхши ҳаракат қилишди.

• 75'
  

  Серхио Альварес сариқ карточка билан жазоланди.

• 73'
  

  "Эйбар" сафида ҳам 2 ўзгариш амалга оширилди: Кике Гарсия ва Эстебан Бургос ўрнига Пауло Оливейра ва Йосинори Муто ўйинга қўшилди.

• 71'

  Дембеле жарима майдони ичига тўпни ҳаволатиб етказиб берди, бироқ дарвозабон Дмитрович тўпга чиқиб келишда адашмади.

• 68'
  

  ГООООООООООООООООООООООЛЛЛ!!! "Барселона" ҳисобни тенглаштирди! Ажойиб ҳужумдан сўнг Фирпо берган пасни Дембеле дарвозага жойлаб қўйди! Ажойиб гол. 1-1!

• 67'
  

  "Барселона" яна икки ўзгаришни амалга оширди: Пьянич ўрнига Коутиньо, Гризманн ўрнига Тринкао ўйинга қўшилди.

• 66'
  

  "Эйбар" бурчак тўпидан яхши натижа чиқара олмади.

• 65'

  "Эйбар" футболчисининг берган зарбаси Араухога тегиб майдонни тарк этди. Бурчак тўпи ижро этилади.

• 64'

  Антуан Гризманнинг жарима майдони ичига амалга оширган кросси аниқ чиқмади. Қарши ҳужум.

• 61'

  Дарвозага йўлланган аниқ зарбалар статистикаси: 4-3!

• 59'

  "Барселона" ҳимояда кўп хато қилиб юбормоқда. Бундан жамоа бош мураббийи Рональд Куман асабийлашиб, шогирдларига бақирмоқда.

• 57'
  

  ГООООООООООООООООООООООООЛЛЛ!!! "Эйбар" ҳисобни очмоқда! 1-таймда яққол имкониятлардан фойдалана олмаган "Барса" учун жазо бу! Гол муаллифи Кике Гарсия.

• 54'

  "Эйбар" каталонияликлар жарима майдони яқинида тўпни назорат қилишда давом этмоқда.

• 53'

  Араухо меҳмонлар футболчиси Кикени қўли билани тўсиб йиқитиб юборди, ҳакам жарима зарбаси белгилади. Хавфли вазият юзага келиши мумкин.

• 50'

  Миралим Пьянич яхши ҳужумни яхши ҳужум билан якунлаб қўйди - тўп устунга тегиб майдонни тарк этди. "Эйбар" дарвозабони тўпни ўйинга киритади.

• 49'

  Усмон Дембеле жарима майдони ташқарисидан туриб дарвозага кучли зарба берди, тўп дарвоза устунининг бироз ёнгинасидан ўтиб кетди.

• 47'
  

  Мартин Брейтвейт яна бир бор офсайдда қолиб кетди.

• 46'
  

  Рональд Куман ўз ресурсларини тайм бошиданоқ ишга сола бошлади: Сержиньо Дест ўрнига Усмон Дембеле ўйинга қўшилди.

• 46'
  

  2-тайм бошланди! 

• 45'

  Футболчилар майдонга қайтишмоқда. Биз ҳам қайтамиз.

• 45+4'
  

  1-тайм якунланди. Ҳозирча ҳисоб очилмади. Танаффус.

• 45+2'
  

  Меҳмонлар навбатдаги бурчак зарбасидан ҳам унумли фойдалана олмади.

• 45+1'
  

  "Эйбар" бурчак тўпи тепди. Папе Диоп бурчакдан келган узатмани боши билан дарвозага йўналтирди, бироқ ҳимоячилар яна тўпни ташқарига чиқариб юборди.

• 45+'
  

  1-таймга 4 дақиқа вақт қўшиб берилди.

• 44'

  Хуниор Фирпо рақиб футболчиси билан бошини уруштириб олди, ҳакам қоидабузарлик қайд этди.

• 43'

  Антуан Гризманн тўпни бурчакда қабул қилиб олди ва узатма амалга оширди, бироқ тўп юқорилаб кетди. Омад унга етишмади.

• 41'

  Ўйин аввалида пенальти ишлаб олган Рональд Араухо қўпол ўйин намойиш этди, бош ҳакам буни қайд этди ва жарима зарбаси белгилади.

• 39'
  

  Мартин Брейтвейт офсайдда қолиб кетди.

• 37'

  Такаши Инуи жарима майдони ичига ажойиб тарзда ёриб кирди ва зарба берди, бироқ ҳакам ҳужумда фол бўлди, деб ҳисоблади ва ўйинни тўхтатди.

• 36'
  

  "Эйбар" бурчак тўпидан унумли фойдалана олмади, "Барса" ҳимоячилари омадли ўйнади. Қарши ҳужум кўришимиз мумкин.

• 35'

  "Эйбар" футболчиси Дамиан Кондзёр жарима майдони ичига тўпни узоқдан етказиб берди, бироқ Тер Штеген тўпга чиқиб келиб, вазиятни бартараф этди.

• 34'
  

  "Барселона"да Миралим Пьяничнинг бурчак зарбасидан кейин голли вазият юзага келди. Бироқ якун муваффақиятсиз: дарвозабон яхши ўйнади.

• 33'

  Сержиньо Дест қанотдан тўпни жарима майдони ичига ажойиб тарзда етказиб берди, ҳимоячилардан бири эса сўнгги сонияларда хавфни бартараф этди! Гол бўлиши мумкин эди.

• 32'

  "Эйбар" футболчиларидан бири рақибини чалиб йиқитди. "Барселона" фойдасига жарима зарбаси.

• 31'

  Ҳозирча, бурчак тўплари статистикаси: 2-3. 

• 29'

  "Барса" қисқа паслари билан тўпни назорат қилмоқда. "Тики-така" яхши иш бермоқда.

• 27'
  

  Гол бекор қилинди. Брейтвейт офсайдда қолиб кетган экан.

• 26'

  Бош ҳакам ВАРга мурожаат қилади! Гол офсайд сабабли бекор қилиниши ҳам мумкин!

• 25'
  

  ГОООООООООООООООООООЛЛЛ!!! Брейтвейт хатосини тўғирлади! Ажойиб пасни қабул қилиб олгач, бирга-бир вазиятга чиқиб кетган Мартин дарвозага зарба йўллади ва ҳисобни очди! 1-0!

• 22'
  

  Миралим Пьянич бурчакдан тўпни жарима майдони ичига етказиб берди, бироқ зарба берадиган шерик топилмади.

• 20'

  Антуан Гризман жарима майдони ташқарисидан туриб дарвозага зарба йўллади, зарба ҳимоячилардан бирига тегиб майдонни тарк этди.

• 18'

  Такаши Инуи қанотдан тўпни жарима майдони ичига етказиб берди, бироқ ҳимоя чизиғи ўз сўзини айтди. "Барселона" тўп билан.

• 16'
  

  Яна бурчак тўпи. "Эйбар" тўпни бурчакдан ўйинга киритади. Яна муваффақиятсиз.

• 15'
  

  "Эйбар" яна бир бурчак зарбасидан яхши фойдалана олмади, қарши ҳужум бўлтшт керак эди, бироқ марказ яхши ишлади.

• 13'
  

  "Эйбар" бурчак тўпидан кейин хавфли вазият содир эта олмади, тўп ҳимоячилар томонидан узоқлаштирилди.

• 11'

  Фирпо қўпол ўйнади, бош ҳакам эса жарима зарбаси белгилади.

• 9'

  "Барселона" тўпни назорат қилмоқда.

• 8'
  

  Ух қандай имконият эдия! Мартин Брейтвейт пенальтидан фойдалана олмади! Унинг дарвозага берган зарбасига аниқлик етишмади, устуннинг ёнгинасидан ўтиб кетди!

• 7'
  

  ВАРга мурожаат қилган ҳакам бу вазиятда қоидабузарлик бор деб ҳисоблади ва пенальти белгилади! "Барселона"да ўйин аввалидаёқ гол уриш учун ажойиб имконият!

• 6'

  Бош ҳакам ВАРга мурожаат қилишга қарор қилди!

• 5'
  

  Миралим Пьянич бурчак тўпини амалга оширди, жарима майдони ичида палапартиш вазият юзага келиб, бир футболчи йиқилиб тушди. Футболчи тиббий ёрдам олмоқда. 

• 4'

  Хуниор Фирпо қанотда амалга оширган ажойиб ҳаракатлари эвазига тўпни марказга етказиб берди, жамоа эса бурчак тўпи ишлаб олди.

• 2'

  "Барселона" тўпни назорат қилиш билан ўйинни бошлади: қисқа паслар билан позицион ҳужум ташкил қилинмоқда, тўп майдон марказида туриб қолмоқда.

• 1'
  

  Учрашув бошланди!

• 0'

  Футболчилар "Камп Ноу" стадионига чиқиб келишмоқда. Ўйин бошланиш арафасида.

• 0'

  Ассалому алайкум, қадрли футбол ихлосмандлари! Испания Ла Лигаси 16-туридан ўрин олган "Барселона" - "Эйбар" бахси бошланиш арафасида. Учрашувни сиз билан Абдулла Маннонов кузатиб боради.