"Барселона" афсонаси жамоага қайтишга рози бўлди
"Барселона"нинг собиқ дарвозабони Виктор Вальдес Каталония клубига қайтишга розилик билдирди. Бу ҳақда Sport.es нашри хабар бермоқда.
Юқоридаги манбага кўра, 39 ёшли собиқ посбон "кўк-анор ранглилар"нинг академиясида дарвозабонлар мураббийи сифатида фаолият олиб боради.
Вальдесни кўндириш “Барса” президенти Жоан Лапортага осон бўлмади. Чунки у бош мураббий сифатида ишлашни режалаштираётган эди.
Вальдес "Барселона" тарбияланувчиси ҳисобланади. У 2002-2014 йилларда ушбу жамоа шарафини ҳимоя қилган. 2019 йилда каталонияликларнинг ёшлар жамоасига устозлик қилган.
Фикрлар