"Барселона" афсонаси клубнинг "пўстагини қоқди"

"Барселона" афсонаси Дани Алвеш эркин агентга айланди. Каталонияликлар у билан шартномани узайтирмади. 

Бразилиялик футболчи бу ҳақда ўз фикрлари билан ўртоқлашди: "Кетганимдан хафа эмасман. "Кўк-анорранглилар" сафига яна қайтганимдан хурсандман, буни 5 йил орзу қилгандим. Менга ёқмаган ягона нарса бу - қай ҳолатда кетганим.

Мен энди 20 яшар йигит эмаслигимни биламан. Барчасини яширмасдан, очиқчасига ҳал қилмоқчи эканимни уларга маълум қилгандим. Аммо клуб сўнгги йилларда ўта нотўғри ишлар қилмоқда. "Барселона" тарихини ёзган инсонлар улар энди қизиқтирмайди. Жамоа мухлиси сифатида мен бошқача йўл тутишни истардим. Мен фақат ўзим ҳақимда гапирмаяпман.

Қайтиш имкониятини тақдим этгани учун Хави ва клуб президентидан чексиз миннатдорман",-деди 39 ёшли футболчи.

Эслатиб ўтамиз, Дани 2008-2016 ҳамда 2021-2022 йиллар оралиғида "блаугранас" шарафини ҳимоя қилган.