“Barselona” Alba o‘rniga “Chelsi” yulduzini oladi

“Barselona” jamoaning eng tajribali vakillaridan biri Jordi Alba o‘rniga “Chelsi”dan Markos Alonsoni olib kelishni rejalashtirmoqda.

30 yoshli Alonso “Chelsi”ning eng faol futbolchilaridan bo‘lishiga qaramay, ayrim vaziyatlarda qo‘pol xatolarga yo‘l qo‘yyapti. Shunga qaramay, kataloniyaliklar ispaniyalik himoyachini yurtiga qaytarmoqchi.

Alonsoning londonliklar bilan shartnomasi 2023 yilning yarmigacha davom etadi.

“Aristokratlar” yozda bu futbolchini sotib yuborishga qarshi emas va unga bildiriladigan takliflarni o‘rganib chiqishga tayyor.

Alonsoga “Atletiko” ham xaridor bo‘lyapti. Bu futbolchining ayni paytda transfer summasi 15 million evroni tashkil qilyapti.