"Барселона" Де Йонгни ҳам сотиши мумкин

"Барселона" ёзги трансферлар ойнасида ярим ҳимоячи Френки де Йонгни сотишни ҳам истисно қилмаяпти. Ўтган йилги можародан кейин футболчи раҳбарият билан муносабатлари яхшиланганига қарамай, унинг сотилиши молиявий муаммоларни ҳал қилиш ва янги футболчиларни рўйхатдан ўтказишда катта рол ўйнаши мумкин.

Журналист Ашраф бин Аяднинг сўзларига кўра, "кўк-анорранглилар" раҳбарияти Френкининг кетиши ҳақиқатан ҳам клубга ёрдам бериши мумкин деб ҳисобламоқда. Бироқ, футболчининг ўзи ҳамон жамоадан кетишни истамаяпти.

Эслатиб ўтамиз, де Йонгга "Аякс"даги собиқ мураббийи Эрик тен Хаг ишлаётган "Манчестер Юнайтед" ва "Бавария" каби клублар қизиқиш билдирмоқда.