"Барселона" футболчиси учун курашга "Тоттенхэм" ҳам қўшилди

"Барселона" ярим ҳимоячиси Илайш Мориба фаолиятини АПЛда давом эттириши мумкин. Бу ҳақда "Daily Mail" хабар тарқатди.

Манбанинг ёзишича, Мориба хизматига "Тоттенхэм" қизиқиш билдирмоқда. Лондон клуби 18 ёшли Илайшнинг агентлари билан алоқага чиққан. Аввалроқ, футболчига "Челси", "Манчестер Сити" ва "Лейпциг" клублари даъвогарлик қилаётгани борасида маълумотлар тарқалганди.

"Барселона" футболчи билан янги битим имзолашга тайёр. Каталонияликлар унга йилига икки миллион евро тўламоқчи, Мориба яна бир миллион евро қўшишни талаб қилиб, шартномани имзолашдан бош тортмоқда.

2020/21 йилги мавсумда Мориба 14 та ўйинда майдонга тушиб, битта гол урган ҳамда 3 та голга ассистентлик қилган.