"Барселона" жорий қишки трансферлар даврида "Боруссия М" форварди Алассан Плеани сотиб олишга уриниб кўргани маълум бўлди.

Bild нашри тарқатган хабарга кўра, "кўк-анор ранглилар" 27 ёшли франциялик футболчи учун 50 млн евро таклиф қилишган. Бироқ, мюнхенгладбахликлар уни қўйиб юборишни исташмаган ва шу боис "Барса"нинг бу таклифига рад жавобини беришган.

Маълумот учун, Плеа "Боруссия М" сафига 2018 йил "Ницца"дан 23 млн евро эвазига келиб қўшилган эди. У жорий мавсум 22 та ўйинда майдонга тушди ва ўз ҳисобига 8 та гол ҳамда 7 та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)