"Барселона" ҳужумчиси билан шартнома бўйича деярли келишувга эришди

"Барселона" Рафинья билан 2030 йилгача бўлган шартнома бўйича келишувга эришди, деб хабар бермоқда "Mundo Deportivo" нашри. 
 
Манбага кўра, каталонияликлар бразилиялик юлдуз билан янги шартнома бўйича келишувга эришган. Унга кўра, Рафинья 2030 йилгача "кўк-анорранглилар" сафида ҳаракат қилади. 28 ёшли футболчининг клуб билан амалдаги шартномаси 2027 йилгача мўлжалланган бўлсада, клуб мутасаддилари ҳужумчини узоқроқ муддат жамоада сақлаб қолмоқчи. Шартнома расман деб тез кунда эълон қилиниши кутилмоқда.
 
Маълумот ўрнида, Рафинья жорий мавсум Флик қўл остида 38 та беллашувда майдонга тушиб, 24 та гол ва 18 та голли узатмага муаллифлик қилган. Ҳозирда унинг Тransfermarkt порталидаги нархи 80 миллион еврони ташкил қилмоқда.