"Барселона" ярим ҳимоячиси Филиппе Коутиньо кеча Ла Лиганинг 16-туридан ўрин олган "Эйбара"га (1:1) қарши баҳсни якунлай олмади. Бразилиялик футболчи майдонни оқсоқланган ҳолда тарк этди.

Коутиньо 66-дақиқада Миралем Пьянич ўрнига захирадан ўйинга қўшилди. Аммо ҳакам томонидан қўшиб берилган дақиқалар ўтиб бораётган бир пайтда тиззасини қайириб олди. Унинг жароҳати қай даражада жиддий экани ва қачон сафга қайтиши тез орада ўтказиладиган тиббий текширувлардан сўнг маълум бўлади.

28 ёшли Коутиньо жорий мавсум “Барселона” сафида 15 та ўйинда майдонга тушди ва 3 та гол ҳамда 2 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)