
"Барселона" Месси билан қилинган хатони Ямал билан такрорламоқчи эмас
"Барселона" клубида Ламин Ямалнинг келажаги ҳақида маълумот пайдо бўлди. Клуб футболчига янги шартнома таклиф қилиш устида ишламоқда.
"Diario AS"нинг хабар беришича, каталонияликлар раҳбарияти 17 ёшли футболчига прогрессив шартнома таклиф қилади, унга кўра маош босқичма-босқич оширилади. Бу "Барселона" Лионель Месси билан содир бўлган ҳолатни такрорламаслиги учун амалга оширилади. Эслатиб ўтамиз, 2021 йилда "Барселона" молиявий муаммолар сабабли аргентиналик футболчининг янги шартномасини рўйхатдан ўтказа олмаган эди.
Қайд этиш жоизки, клуб Лионель Месси билан шартномани саккиз марта узайтирган ва ҳар гал унинг маошини оширган.
Ямалнинг "Барселона" билан амалдаги шартномаси 2026 йилнинг ёзигача мўлжалланган. "Transfermarkt" маълумотларига кўра, футболчининг баҳоси 180 миллион еврони ташкил этади.
Фикрлар