"Барселона" муаммоли нуқтасини ёпиш йўлини топди

Андреас Кристенсен келаси мавсумда ҳам "Барселона"нинг таянч ярим ҳимоячиси бўлиб бериши мумкин. 

"Барселона" сафида марказий ҳимоя позициясида ўйнаб келаётган даниялик футболчи жорий мавсум бошқа ижрочиларга рақобатда ютқазяпти. 

Шундай бўлса-да, Серхио Бускетс ўрнига олиб келинган Ориол Ромеунинг беқарорлиги клубнинг ушбу зонасида муаммоларга сабаб бўлди. Айрим муваффақиятсиз беллашувлардан сўнг Хави мазкур позицияда даниялик фулбекни ўйната бошлади. 

"Барса"нинг молиявий аҳволи оғир эканлигини инобатга олиб, 27 ёшли футболчи кейинги мавсумни ҳам ярим ҳимояда ўтказиши мумкинлиги таъкидланмоқда. Раҳбарият бу позицияни кучайтириш учун қанча пул ажратиши ҳали аниқ эмас.